Urtean Zeharreko XXIII. astelehena
I. urtean
I. Irakurgaia
Jainkoak
Eleizearen zerbitzari egin nau
gizaldietan
ezkutuan egon dan misterioa zuei adierazoteko.
San Paulo Apostoluak Kolosarrei egindako epistolatik
Kol 1, 24–2, 3
Senideok: Pozik nago orain, zuen alde
jasaten dodazan sufrimentuakaitik; holan, neure gorputzean jasaten dodazan
atsekabeen bidez Kristoren atsekabeak osotzen ditut, haren gorputza dan
Eleizearen alde. Jainkoak Eleizearen zerbitzari egin nau, eta bere mezua zuei
oso-osorik adierazoteko eginkizuna emon deust.
Mezua Jainkoaren asmo ezkutuari buruzkoa da,
gizaldietan eta gizaldietan gordeta euki ondoren, orain Jainkoak bere fededunei
agertu deutsena. Honeei jakinazo nahi izan deutse Jainkoak zein aberats eta aintzatsu
dan jentilentzat asmo ezkutu hori; zuengan dan eta aintzarako itxaropen dozuen
Kristori buruz dihardut. Kristo hauxe iragartzen dogu, danei aholku emonez eta
jakituria guztiaz irakatsiz, danak euren kristau-bizitzan heldutasun betera
heldu daitezan. Hori da nire eginkizuna eta horretan nabil lan eta lan, Kristok
emoten deustan ahalmen indartsuaz.
Jakin behar dozue zelako burruka gogorrean
dihardudan zuen alde, Laodizeakoen alde eta ni neu ikusi ez naben beste senide
guztien alde. Honeek adorez bete daitezan nabil holan eta, maitasunean bat
eginik, Jainkoaren asmo ezkutua, hau da, Kristo, bere aberastasun osoan
ulertzera eta sakon ezagutzera heldu daitezan. Harengan dagoz gordeta jakituriaren
eta ezagueraren ondasun guztiak.
Jaunak esana.
Erantzun salmoa
Sal 62 [61], 6-7. 9 (R/. 8a)
R/. Jainkoagan nire salbamena eta ohorea.
V/. Ene barrua, Jainkoagan bakarrik izan atseden,
harengandik
datorkit-eta itxaropena.
Ha
bakarrik nire hatx eta salbazino,
bera
nire gotorleku; ez naz kili-kolo egongo. R/.
V/. Izan konfiantza Jainkoagan eten barik, haren
herri zarienok,
zabaldu
hari zeuen bihotza,
Jainkoa
dogu babeslekua! R/.
II. urtean
I. Irakurgaia
Baztertu egizue
legamina zaharra,
Kristo, gure
Pazko Bildotsa, opari eskeinia izan dan ezkero.
San Paulo Apostoluak Korintoarrei egindako lehenengo epistolatik
1 Ko 5, 1-8
Senideok: Bazter guztietan badakie zuen
artean lizunkeria arazo bat dagoana, eta ez edozelakoa, jentilen artean be
jazotzen ez dan lakoa baino: zuetako batek bere amaordekoa ei dauala emazte.
Eta zuek, negar egin beharrean, harro zabiltze, eta ez dozue bota zeuen artetik
holan jokatzen dauana. Ba nik, gorputzez urrun baina espirituz hor nagoan
honek, erabagi dot daborduko hori egin dauanarentzat epaia, hor banintz lez:
Jesus gure Jaunaren izenean batuko zarie –eta han izango naz ni be espirituz–
eta, Jesus gure Jaunaren ahalmenez, Satanasen esku itziko dozue hori; ea holan,
pekatuzko bere izaera hondaturik, Jaunaren egunean salbatzen dan.
Ez dozue bat be arrazoirik harrotzeko. Ez
ete dakizue legamina apur batek ore guztia harrotzen dauana? Baztertu egizue
legamina zaharra, eta izan ore barri, legamina bako pazko-ogiak lez; izan be,
horixe zarie, Kristo gure Pazko Bildotsa opari eskeinia izan dan ezkero. Ospatu
daigun, beraz, Pazko-jaia, ez legamina zaharragaz, pekatu eta gaiztakeriazko
legaminagaz, legamina bako pazko-ogiekin baino, hau da, bihotz-garbitasunez eta
benetan.
Jaunak esana.
Erantzun salmoa
Sal 5, 5-6a. 6b-7. 12 (R/. 9a)
R/. Gidatu nagizu, Jauna, zeure zuzentasunaren bidetik.
V/. Ez zara Zu gaiztakeria gogoko dauan Jainkoa,
ez
deutsazu Zuk gaiztoari harrerarik egiten,
harroek
ezin iraun dabe zure begien aurrean. R/.
V/. Gaizkile guztiak dozuz gorrotatzen,
guzur-ontziak
hondatzen.
Hiltzaile
eta maltzurrak
higuingarri
jatzuz, Jauna. R/.
V/. Alaituko dira Zugan babesten diranak,
pozez
oihu egingo eten barik.
Zeuk
zainduko dozuz,
eta
pozez beteko dira zure izena maite dabenak. R/.
I. eta II. urteetan
Aleluia
Jn 10, 27
R/. Aleluia.
V/. Nire ardiek entzuten dabe nire ahotsa, dino
Jaunak;
Nik
ezagutzen ditut,
eta
hareek jarraitu egiten deuste. R/.
Ebanjelioa
Zelatan egokiozan, zapatuz osatuko ete eban.
✠ Jesu Kristoren Ebanjelioa San Lukasen liburutik
Lk 6, 6-11
Beste zapatu batez, Jesus sinagogan sartu
eta irakasten hasi zan. Bazan han eskumako besoa elbarri eukan gizon bat.
Lege-maisuak
eta fariseuak zelatan egokiozan, zapatuz osatuko ete eban, zertan salatu
izateko. Jesusek, hareen gogoetei igarririk, beso-elbarriari esan eutson: «Jagi
eta zatoz hona, erdira». Ha jagi eta zutunik gelditu zan.
Jesusek esan eutsen orduan: «Itaun bat:
zapatuz zer da bidezko, on egitea ala gatx egitea, bizia salbatzea ala
hondatzea?»
Eta, inguruko guztiei begira, esan eutson
gizonari: «Luzatu beso hori». Harek luzatu eban eta osatu egin jakon.
Lege-maisuek eta fariseuek euren onetik
urten eben eta Jesusi zer egingo ziharduen euren artean.
Jaunak esana.
IRUZKINA
Eztabaida luze-sakonak euki daitekez Legearen nagusitasunaren inguruan. Eztabaida luzeak salbuespen bat egin ezkero haren ondren datozala beste asko eta asko, Legea ezerezean jarteko arriskuan jausiz…
Eta Jesusek, eztabaida teorikoak alde batera laga eta ekintza praktikotara joten dau.
Alde batetik, egoeren aurrean jarrera sendoa eskatzen deutse Lege-maisu eta farisearrei; Legea ondo ezagutzen, beteten eta beteazoten dabenei; gizon baten osasuna dago jokoan; osatu leike?
Hareek argi dauke: Legea, lege. Beste edozeren gainetik dauke Legea, Jainkoak hantxe agertu dau-ta bere nahia. Holan uste dabe.
Jesusek ere gauzak argi daukaz. Gizaki baten osasuna Legearen gainetik legoke. Beste era batera esanda: Legeak ezin debekatu daike gizaki bat osatzea.
Eta hori Jesusek leku publiko baten gauzatzen dau, Lege-maisu eta farisearrek agintzen eta irakasten daben sinagogan.
Jesusen egintzaren aurrean isildu beharrak sutan jarriko ditu Lege-maisu eta farisearrak, eta gero eta arrazoi gehiago pilatzen dabe Jainkoagandikoa ez dala baiesteko eta heriotzara eroateko.
Urtean Zeharreko XXIII. martitzena
I. urtean
I. Irakurgaia
Jainkoak
biziazo egin zaitue Kristogaz batera,
pekatu guztiak
parkaturik.
San Paulo Apostoluak Kolosarrei egindako epistolatik
Kol 2, 6-15
Senideok: Jesu Kristo Jauna onartu dozuen
ezkero, bizi zaiteze berari dagokionez. Harengan errotuak eta oinarrituak,
iraun sendo sinismenean, irakatsi jatzuen lez, eta emon eskerrak eten barik.
Begira, gero, inork filosofia eta argudio
makalez engainatu ez zagiezan; horreek giza tradizinoetan eta munduan agintzen
daben indarretan oinarrituta dagoz, eta ez Kristogan. Jainkoaren izaera Kristo
gizon eginarengan dago bete-betean; eta zuek be, munduko aginte eta ahalmenen
buru dan Kristoren bitartez hartu dozue zeuen betetasuna. Zuek be erdainduak
zagoze, baina ez giza eskuz egindako erdainkuntzaz; Kristok erdaindu zaitue,
zeuen pekatuzko izaeratik askatuz. Bateoaren bidez, Kristogaz hobiratuak izan
zarie, eta biztu be, harengan biztu zarie, ha hildakoen artetik biztu eban
Jainkoaren ahalmenean sinistuz.
Sasoi baten, hilda zengozen zeuen
pekatuakaitik eta erdainbakoak zinielako; baina Jainkoak biziazo egin zaitue
Kristogaz batera, pekatu guztiak parkaturik. Gu gatxesten ginduzan epai-agiria
hondatu egin dau eta kurutzean josiz ezereztu.
Munduko ahalmenak eta aginteak indarbakotu
ditu eta danen aurrean lotsagarri agertuazo, Kristoren bitartez hareen gain
garaipena lortu ondoren.
Jaunak esana.
Erantzun salmoa
Sal 145 [144], 1-2. 8-9. 10-11 (R/. 9a)
R/. Ona da Jauna guztientzat.
V/. Goratuko zaitut, ene Jainko, ene errege,
bedeinkatuko
dot zure izena betiere.
Egunero
zaitut bedeinkatuko,
beti
dot zure izena goratuko. R/.
V/. Errukiorra eta bihozbera da Jauna,
hasarregatxa
eta onginahiz betea.
Ona
da Jauna guztientzat,
errukiz
betea bere sorkari guztientzat. R/.
V/. Goratu zagiezala, Jauna, zeure sorkari
guztiek,
bedeinkatu
zeure fededunek;
agertu
begie zure erregetza ospetsua,
berba
egin begie zure ahalmenaz. R/.
II. urtean
I. Irakurgaia
Anaia anaiagaz
auzitan zabiltze,
eta epaile jentilen aurrean, gainera.
San Paulo Apostoluak Korintoarrei egindako lehenengo epistolatik
1 Ko 6, 1-11
Senideok: Zuetako norbait, beste baten aurka
auziren bat dauanean, zelan ausartzen da jentilen epaitegietara jotzen,
fededunen aurrera jo beharrean? Ez dakizue mundua fededunek epaituko dabena
ala? Eta mundua epaitu behar dozuenok, ez ete zarie gauza arazo txikiak
epaitzeko? Ez dakizue aingeruak be epaituko doguzana? Ba, arrazoi handiagoz
eguneroko gorabeherak! Gorabehera horreek dirala-eta, zelan aukeratzen dozuez
epaile eleiz alkartearentzat inor ez diranak?
Zeuen lotsarako dinotsuet. Ez dozue inor
aditurik, senide arteko auziak erabagi leikezanik? Bai zera! Anaia anaiagaz
auzitan zabiltze, eta epaile jentilen aurrean, gainera. Dana dala, zeuen artean
auziak izatea bera nahiko penagarri da. Zergaitik ez bidebakokeria jasan eta
zeuen burua narrutzen itzi? Baina ez, zeuek egiten dozue bidebakokeria eta
lapurreta, eta hori zeuen senideen aurka.
Ez dakizue bidebakoek ez dabena Jainkoaren
erreinua lortuko? Ez engainatu zeuen buruak! Lizunek, sasijainkozaleek,
adulteriogileek, emekeriazaleek, sodomitek, lapurrek, diruzaleek, mozkorrek,
izen onaren kentzaileek eta iruzurgileek ez dabe Jainkoaren erreinua lortuko.
Horreetakoak zinien zuetako batzuk be; baina garbituak izan zarie, sagaratuak
eta Jainkoak zuzentzat hartuak, Jesu Kristo gure Jaunaren izenean eta gure
Jainkoaren Espirituari esker.
Jaunak esana.
Erantzun salmoa
Sal 149, 1-2. 3-4. 5-6a eta 9a (R/. 4a)
R/. Maite dau Jaunak bere herria.
Edo: Aleluia.
V/. Kanta Jaunari kantu barria,
kanta
haren gorespena fededunen batzarrean.
Poztu
bedi Israel bere Egileaz,
alaitu
siondarrak euren Erregeaz. R/.
V/. Goratu begie haren izena dantza eginez,
jo
begie harentzat danbolina eta zitara.
Maite
dau-eta Jaunak bere herria,
garaipenez
jantziko ditu umilak. R/.
V/. Alaitu beitez fededunak Jainko ospetsuaz,
egin
begie pozez oihu euren etzunlekuetan.
Bego
Jainkoaren gorapena hareen eztarrian,
ohorea
da haren fededun guztientzat. R/.
I. eta II. urteetan
Aleluia
Ik. Jn 15, 16
R/. Aleluia.
V/. Neuk aukeratu zinduedazan zuek,
eta
eginkizun hau emon deutsuet:
frutu
ugaria eta iraunkorra emon dagizuela edonon,
dino
Jaunak. R/.
Ebanjelioa
Jainkoari
otoitzean igaro eban Jesusek gaua.
Hamabi aukeratu
ebazan, eta apostolu izena emon eutsen.
✠ Jesu Kristoren Ebanjelioa San Lukasen liburutik
Lk 6, 12-19
Aldi haretan, Jesus mendira joan zan otoitz
egitera, eta Jainkoari otoitzean igaro eban gaua.
Eguna
argitu ebanean, ikasleei deitu eta hareetako hamabi aukeratu zituan, eta
apostolu izena emon eutsen:
Simon
–honi Pedro izena ezarri eutson– eta honen anaia Andres, Santiago, Joan,
Felipe, Bartolome, Mateo, Tomas, Santiago Alfeorena, Simon –Zelote eritxona–,
Judas Santiagorena eta Judas Iskariote, Jesusen saltzaile izan zana.
Jesus ikasleakaz menditik jatsi eta
zelaigune baten gelditu zan. Ikaslemultzo handia zan harekin; baita herriko
jentetza ugaria be, Judea osotik, Jerusalemdik eta Tiroko eta Sidongo
itsasaldetik etorria, hari entzutera eta euren gatxetatik osatzera. Espiritu
gaiztoek oinazetuak osatu egiten ziran. Jente guztiak Jesus ikutu gura eban ze,
halako indar bat erion, danak osatzen zituana.
Jaunak esana.
IRUZKINA
Lukasek Jesus lautadan jarten dau maisu-lanetan, irakasten. Mateok mendian jarten dauan bitartean.
Badira azpimarratu beharreko detaile batzuk: Jesusek ekintza garrantzitsua uste dauana egin aurretik gau osoa emoten dau otoitzean.
Arerioek estutzen dihardue inguruan, Jesusen erantzuna talde bat eratzea izango da. Askatasun osoz deitzen ditu batzuk bere inguruan egon daitezan eta bialduak izan daitezan.
Jentearen artera joango da Jesus, bialduko dauz apostoluak. Eta jentea entzuteko eta osasuna lortzeko egarriz jatorko. Ez doa horrela maisu ofizialengana.
Hausnartzekoa litzateke zer egin dogun guk, gaur egun jenteak Jesusen berbearen eta honengandiko osasunaren egarririk ez nabarmentzeko. Zer bihurtu dogu haren berbea edo haren osasuna?
Zelan biztu geike gure ingurukoengan (eleizara datozenengan lehenengo ta behin) Jesusenganako miresmena eta honen berbearen egarria, osasundun lez osasuna partekatzera urten daien euren inguruetara?
Urtean Zeharreko XXIII. eguaztena
I. urtean
I. Irakurgaia
Kristogaz hilda
zagoze.
Hilazo egizuez
zeuengan mundu honen araberako jarrerak.
San Paulo Apostoluak Kolosarrei egindako epistolatik
Kol 3, 1-11
Senideok: Kristogaz berbiztu zarien ezkero,
bilatu egizuez zeruko gauzak, han dago-eta Kristo, Jainkoaren eskumaldean
jesarrita. Bilatu egizuez goiko gauzak, eta ez lurrekoak, hilda zagozelako, eta
zuen bizia Kristogaz dago Jainkoagan gordeta. Kristo, zuen bizia, agertuko
danean, zuek be aintzatsu agertuko zarie haregaz batera.
Hilazo egizuez, beraz, zeuongan mundu honen
araberako jarrerak: lizunkeria, lohikeria, gurari gaiztoak, grina txarrak eta
idolatria dan diru-gosea.
Honako gauzek bizten dabe Jainkoaren
hasarrea errebeldeen gain. Zuek be noiz edo noiz ibili zarie holan, halakoetan
bizi zinienean. Orain, ostera, baztertu egizuez horreek guztiak, hau da,
gorrotoa, hasarrea, gaiztakeria, irainak eta hizkera gordina.
Ez esan alkarri guzurrik, izaera zaharra eta
honen araberako jokabidea erantzi eta barria jantzi dozuen ezkero; izaki barri
zarie, beraren egile dan Jainkoaren irudira erabarrituz doana, ezaguera
beteagora heltzeko. Hor ez dago honezkero ez greziarrik eta ez judegurik, ez
erdaindurik eta ez erdaindubakorik, ez kulturadunik eta ez kulturabakorik, ez
esklaborik eta ez librerik. Kristo da guztia, eta guztiengan bizi da.
Jaunak esana.
Erantzun salmoa
Sal 145 [144], 2-3. 10-11. 12-13b (R/. 9a)
R/. Ona da Jauna guztientzat.
V/. Egunero zaitut bedeinkatuko,
beti
dot zure izena goratuko.
Handia
da Jauna, guztiz goragarria,
mugarik
bakoa haren handitasuna. R/.
V/. Goratu zagiezala, Jauna, zeure sorkari
guztiek,
bedeinkatu
zeure fededunek;
agertu
begie zure erregetza ospetsua,
berba
egin begie zure ahalmenaz. R/.
V/. Gizakiei agertuz zure egite ahaltsuak,
zure
erregetza ospetsuaren bikaintasuna.
Zure
erregetza betiko erregetza,
gizaldiz
gizaldikoa zure nagusitza. R/.
II. urtean
I. Irakurgaia
Ezkonduta
zagozala? Ez ibili banandu nahian.
Ezkonbakoa
zarala? Ez hasi emazte bila.
San Paulo Apostoluak Korintoarrei egindako lehenengo epistolatik
1 Ko 7, 25-31
Senideok: Ezkonbakoentzat ez dot Jaunaren
agindurik. Halan be, neure eretxia emongo dot, Jainkoaren errukiaz sinisgarri
nazan ezkero. Bizi doguzan une larriak gogoan harturik, uste dot on dala
bakotxak dagoan egoeran jarraitzea. Ezkonduta zagozala? Ez ibili banandu
nahian. Ezkonbakoa zarala? Ez hasi emazte bila. Halan be, ezkontzen bazara, ez
dozu pekaturik egiten; neskatileak be, ezkontzen bada, ez dau pekaturik egiten.
Baina ezkontzen diranek arazo handiagoak izango dabez euren bizitzan, eta nik
ez neuke nahi holakorik zuentzat.
Epea laburtu egin dala dinotsuet. Beraz,
gelditzen jakun denporan, ezkonduak bizi beitez ezkonduta ez balegoz lez; negar
dagienak, negar egingo ez balebe lez; pozik dagozanak, pozik ez balegoz lez;
erosten dabenak, ezer ez balebe lez, eta mundu honetako gauzekin baliatzen
diranak, baliatuko ez balira lez; izan be, mundu hau, oraingo bere itxuran,
desagertzeko zorian dago.
Jaunak esana.
Erantzun salmoa
Sal 45 [44], 11-12. 14-15. 16-17 (R/. 11a)
R/. Entzun, alaba, eta ikusi, makurtu egizu belarria.
V/. Entzun, alaba, eta ikusi, makurtu egizu
belarria:
ahaztu
zeure herriaz eta aitaren etxeaz.
Zoraturik
dago erregea zure edertasunaz;
bera
dozu jaun, egiozu ahuspez agur. R/.
V/. Guztiz ospetsu dator printzesa,
urrez
apaindutako soinekoa jantzita.
Erregeagana
daroe;
neskatila
adiskideek jarraitzen deutsoe. R/.
V/. Pozik eta alai daroez,
eta
erregearen jauregira sartzen dira.
«Gurasoen
ordez semeak izango dozuz
eta
lurralde osoko buruzagi egingo». R/.
I. eta II. urteetan
Aleluia
Lk 6, 23ab
R/. Aleluia.
V/. Alaitu zaiteze eta egin pozez salto,
handia
izango da-eta zuen saria zeruan. R/.
Ebanjelioa
Zorionekoak
behartsuok.
Baina ai zuek,
aberatsok!
✠ Jesu Kristoren Ebanjelioa San Lukasen liburutik
Lk 6, 20-26
Aldi haretan, Jesusek, ikasleei begira, esan
eutsen:
«Zorionekoak
txirook,
Jainkoaren
erreinua zeuena da-eta.
Zorionekoak
orain gose zarienok,
ze,
aseko zaitue Jainkoak.
Zorionekoak
orain negar egiten dozuenok,
ze,
barre egingo dozue.
Zorionekoak zuek, Gizonaren Semea dala-eta
jenteak gorrotatu, euren artetik bota eta madarikatuko zaitueenean eta izen
txarra emongo deutsueenean. Alaitu zaiteze egun horretan eta egin pozez salto
ze, handia izango da zuen saria zeruan; gauza berbera egin eutsien profetei
jente horren gurasoek.
Baina
ai zuok, aberatsok, ze, hartu dozue zeuen poza!
Ai
zuok, orain aseta zagozenok, gose izango zarie-eta!
Ai
zuok, orain barre egiten dozuenok, ze, aiene eta negar egingo dozue!
Ai zuok, mundu guztiak zuetaz ondo berba egingo dauanean ze, gauza berbera egin eutsien sasiprofetei jente horren gurasoek!»
Jaunak esana.
IRUZKINA
Zertan jarri behar dogu arreta Lukasek Jesusen ahotan jarten dauzan berbok ulertzeko eta, ulertuz, norberetzeko eta zorionean bizi izateko?
Inondik inora ezin onartu geike pobrea edo gosez dagoana edo aurrean erabilia zoriontsu danik. Nondik begituta esan geike zoriontsua izan daitekela?
Ez ete da zoriontsu Jesus, aberatsa izan ez arren, aurrean erabilia izan arren, bere aldikoen egoereak negar eragiten deutson arren?
Ebanjelari honek dakarskuzan zoriontasunak ez dira Mateorenean agertzen diranak hainako espiritualak. Azalekoagoak dirala emoten dau. Baina halan ere, ulergarriagoak egiten ete jakuz?
Ikuspegiz aldatu ezkero, pobrea ez dauala pobretasunak berez zoriontsu bihurtzen onartuta, esan geike badagozala pobretasunean beste aberastasun bat aurkitu daikeenak, eta honeen zoriontasuna ez dala gero izango daben saria gaur gozatzen daben zoriona baino; aberatsei euren aberastasunek —iheskorrak diranetik— ezin emon leikien zoriontasuna.
Gose dana, ba, ez da zoriontsu gose dalako, edo egun baten mahaikadea izango daualako, une horretan beste bizitza bat aurkitzen daualako baino.
Gaur mezu han onartu ezin daitekelako, horreik aurrean erabiliak izango dira.
Urtean Zeharreko XXIII. eguena
I. urtean
I. Irakurgaia
Izan maitasuna,
hori da-eta
alkartasun betearen lokarria.
San Paulo Apostoluak Kolosarrei egindako epistolatik
Kol 3, 12-17
Senideok: Jantzi zaiteze bihotz errukitsuz,
onberatasunez, apaltasunez, otzantasunez, eroapenez, Jainkoaren herri
aukeratua, santua eta maitea zarien ezkero. Eroan egizue ondo alkar eta parkatu
batak besteari, inork inoren aurka ezer baleu. Jaunak parkatu eutsuen lez,
parkatu zuek be alkarri. Eta horreen guztien gainetik, izan maitasuna, hori
da-eta alkartasun betearen lokarria. Kristoren bakeak agindu begi zuen
bihotzean, bake horretara deituak zarien ezkero gorputz baten, eta izan esker
oneko.
Bizi bedi oparo zuengan Kristoren hitza;
irakatsi eta aholkatu jakituria osoz; kantatu Jainkoari bihotzez eta esker onez
salmoak, gorazarreak eta kantu inspiratuak. Edozer esaten nahiz egiten dozuela,
egizue dana Jesu Kristo Jaunaren izenean, haren bidez Jainko Aitari eskerrak
emonez.
Jaunak esana.
Erantzun salmoa
Sal 150, 1-2. 3-4. 5-6 (R/. 6)
R/. Goratu begie Jauna arnasa daben guztiek!
Edo: Aleluia.
V/. Goratu egizue Jainkoa bere santutegian,
goratu
bere zeru-sabai sendoan.
Goratu
egizue bere egite ahaltsuakaitik,
goratu
bere neurribako handitasunagaitik. R/.
V/. Goratu egizue adar-soinuz,
goratu
harpaz eta zitaraz.
Goratu
egizue danbolinez eta dantzaz,
goratu
hari-soinuz eta txirulaz. R/.
V/. Goratu egizue txilin ozenez,
goratu
txilin durundariz.
Goratu
begie Jauna arnasa daben guztiek! R/.
II. urtean
I. Irakurgaia
Senideen
kontzientzia hezibakoa kaltetuz,
Kristoren kontra egiten dozue pekatu.
San Paulo Apostoluak Korintoarrei egindako lehenengo epistolatik
1 Ko 8, 1b-7. 11-13
Senideok: Jakintzak puztu egiten dau,
maitasunak eraiki. Zeozer dakialakoan dagoanak ez dau oraindino behar lako
ezagutzarik. Jainkoa maite dauana ezagutzen dau Jainkoak.
Beraz, zer esan sasijainkoei eskeinitako
haragia jateaz? Badakigu sasijainkoak ez dirana ezer be munduan, eta Jainkoa
bat besterik ez dana. Asko izan arren zeruan nahiz lurrean jainko deituak –eta
holako jainko eta jaun asko dago benetan–, guretzat Jainkoa bat bakarra da,
Aita: honengandik dira-eta gauza guztiak eta gu harentzat gara; eta bat bakarra
da Jauna, Jesu Kristo: honen bidez dira-eta gauza guztiak eta gu be honen bidez
gara.
Baina ez dabe guztiek kontu hori behar dan
lez ulertzen. Batzuek, oraintsu arte idolatrian ibilita, haragi hori benetan
sasijainkoei eskeinia balitz lez jaten dabe eta, hareen kontzientzia ondo
hezibakoa danez, errudun bihurtzen dira.
Beraz, gauzak ondo ulertzen ei dozuzan
horrek galdu egingo zeunke kontzientzia hezibakoa dauan zeure senidea,
honengaitik be Kristo hila izan arren. Senideen kontra pekatu eginez eta hareen
kontzientzia hezibakoa kaltetuz, Kristoren kontra egiten dozue pekatu.
Horregaitik, nire senideari janariren bat jatea jauspide jazotzen bajako, ez
dot behin be haragirik jango, neure senidea jausbidean ez jartzeko.
Jaunak esana.
Erantzun salmoa
Sal 139 [138], 1-3. 13-14b. 23-24 (R/. 24b)
R/. Gidatu ni, Jauna, betiko bidetik.
V/. Jauna, Zeuk aztertzen nozu eta ezagutzen,
badakizu
noiz jesartzen nazan eta noiz jagitzen.
Urrunetik
sumatzen dozuz nire asmoak;
ohartzen
zara noiz nabilen eta noiz natzan,
zehatz
ezagutzen dozuz nire ibilbide guztiak. R/.
V/. Zeuk eratu deustazu barrua,
amaren
sabelean eiho nozu.
Eskerrak
Zuri, harrigarriro egin nozulako,
miresgarriak
dira zure egintzak! R/.
V/. Oi Jainko, aztertu nagizu eta ezagutu nire
bihotza,
probatu
nagizu eta ezagutu nire kezkak.
Ikusi
galbidetik ete nabilen,
eta
gidatu ni betiko bidetik. R/.
I. eta II. urteetan
Aleluia
1 Jn 4, 12
R/. Aleluia.
V/. Alkar maite badogu,
Jainkoa
gugan dago,
eta
haren maitasuna bere betera heldu da gugan. R/.
Ebanjelioa
Izan zaiteze
errukiorrak,
zuen Aita
errukiorra dan lez.
✠ Jesu Kristoren Ebanjelioa San Lukasen liburutik
Lk 6, 27-38
Aldi haretan, Jesusek esan eutsen ikasleei:
«Hauxe dinotsuet zuoi, entzuleoi: Maitatu egizuez zeuen arerioak, egin on
gorroto deutsueenei, bedeinkatu madarikatzen zaitueenak, egin otoitz izen ona
kentzen deutsueenen alde. Matraila baten jotzen zaituanari eskeini bestea be;
soingainekoa kentzen deutsunari ez ukatu jantzia be. Eskatzen deutsun edonori
emon, eta zeurea kentzen deutsunari ez bihurtu eragin. Eta besteek zeuei egitea
nahi dozuena, egin zeuek be besteei.
Maite zaitueenak bakarrik maite badituzue,
zer esker on zor jatzue? Pekatariek be maite ditue euren maitaleak. Eta on
egiten deutsueenei bakarrik egiten badeutsezue on, zer esker on zor jatzue?
Pekatariek be egiten dabe beste horrenbeste. Eta ordea hartzekotan bakarrik
emoten badozue maileguz, zer esker on zor jatzue? Pekatariek be aurreratzen
deutsoe alkarri, dagokiena hartzekotan.
Ez! Zuek maitatu arerioak, egin on eta emon
maileguz, ordeari begiratu barik; handia izango da zuen saria-eta.
Goi-goikoaren seme-alaba izango zarie ze, ona da ha esker txarrekoentzat eta
gaiztoentzat. Izan zaiteze errukiorrak, zeuen Aita errukiorra danez.
Ez txartzat jo inor, eta Jainkoak be ez
zaitue txartzat joko; ez kondenatu, eta ez zaitue kondenatuko; parkatu, eta
parkatuko deutsue; emon, eta emongo deutsue: neurri betea, sakatua, estutua eta
gainezkakoa emongo deutsue altzora. Izan be, zuek zein neurriz neurtu, halakoaz
neurtuko zaitue Jainkoak».
Jaunak esana.
IRUZKINA
Ezin onartu daitekez Jesusen irakatsiok giza arauz. Gure bat-bateko erantzuna aurre egitea izaten da, eta, besterik ezean, gogorkeria erabiliz, bizia galtzeko arriskuraino.
Aurre ez egitea mekoaren edo epelaren jokabidea edo jarrerea litzateke; eta inork ez da, ba, besteen aurrean meko edo apar agertu gura, ba.
Jesusen irakatsiak ondo ulertzeko apur bat sakondu behar dogu esaldiotan. Ez dau esan gura Jesusek, egiten deuskuen (edo egin leiguen) edozein txarkeria onartu behar dogunik, erantzun barik laga behar dogunik, txanpon bardinaz ez dogula erantzun behar baino.
Orduan? Ba ete dago erantzuteko beste txanponik? Ba, Jesusek eskeintzen deuskuna.
Jesusek, bere bizikeran, jarreretan eta azalpenetan, Jainkoaren izakerea agertzen dau. Eta horixe eskeintzen deusku guri: Jainkoaren seme-alaba gure izateaz jabetu gaitezala eta haren izakerea agertu daigula gure izakeran.
Zelango sakontasuna eskatzen dauan jarrera honek, ezta? Jesusengan oinarri
hartu ezkero ez geuke ezinezko ikusiko.
Urtean Zeharreko XXIII. barikua
I. urtean
I. Irakurgaia
Ni lehenago
biraolari izan nintzan,
baina nitaz
errukitu egin zan Jainkoa.
San Paulo Apostoluak Timoteori egindako lehenengo epistolaren hasiera
1 Tm 1, 1-2. 12-14
Nik, Paulok, Jainko gure Salbatzailearen eta
gure itxaropen dan Jesu Kristoren aginduz beronen apostolu nazan honek,
Timoteori, fedean neure egiazko seme zaitudan horri: grazia, errukia eta bakea
Jainko Aitagandik eta Jesu Kristo gure Jaunagandik.
Eskerrak emoten deutsadaz Kristo Jesus geure
Jaunari, bere apostolu-zerbitzua nire gain izteko fidagarri aurkitu naualako
eta indar emon deustalako niri, beraren kontra biraolari, pertsegitzaile eta
iraintzaile izan nintzan honi; baina nitaz errukitu egin zan Jainkoa, neure
sinisbakotasunean ez nenkian-eta zer egiten nenbilen. Eta gainezka agertu
eustan gure Jaunak bere onginahia, Kristo Jesusengan dogun sinismena eta maitasuna
emonez.
Jaunak esana.
Erantzun salmoa
Sal 16 [15], 1-2a eta 5. 7-8. 11 (R/. ik. 5a)
R/. Zeu zara, Jauna, nire ondarea.
V/. Gorde nagizu, Jainko,
Zugan
naz-eta babesten.
Hau
dinotsat Jaunari: «Zeu zaitut neure Jauna».
Jauna,
Zeu zaitut neure ondarea, neure edontzia,
zeure
esku dago nire zoria. R/.
V/. Bedeinkatzen dot Jauna, aholku deust-eta
emoten,
gauez
be berak dau nire barrua hezten.
Begi
aurrean dot Jauna eten barik;
bera
eskuman dodala, ez naiteke dardaratu. R/.
V/. Bizirako bidea erakutsiko deustazu;
alaitasunez
beteko nozu zeure aurrean,
zorionez
betiko zeure ondoan. R/.
II. urtean
I. Irakurgaia
Guztiakana
ahalik eta gehien egokitzen ahalegindu naz,
zelan edo halan batzuk salbatzeko.
San Paulo Apostoluak Korintoarrei egindako lehenengo epistolatik
1 Ko 9, 16-19. 22-27
Senideok: Barri Ona iragartzen dodala-eta,
ezin naz harrotu; ezinbestean dagokidan eginbeharra dodalako hori, eta
errukarria ni, Barri Ona iragarriko ez baneu!
Barri Ona neure gogoz iragarriko baneu,
mereziduko neuke saria; baina nik nahi izan barik ezarri deusten eginkizuna
betetzen badihardut, zein sari zor jat orduan? Hauxe besterik ez: Barri Ona
doan iragartzea, Barri Onaren zerbitzutik datorkidazan eskubideez baliatu
barik.
Guztiz libre nazan arren, guztien esklabo
egin naz, ahalik eta jente gehien Kristorentzat irabazteko. Ahul diranekin ahul
egin naz, ahulak irabazteko. Guztiakana ahalik eta gehien egokitzen ahalegindu
naz, zelan edo halan batzuk salbatzeko.
Eta dana Barri Onagaitik egiten dot, Barri On horretan nik be parte izan
dagidan.
Ez dakizue kiroldegian partaide guztiek
egiten dabela arineketan, baina batek bakarrik jasotzen dauana saria? Beraz,
egizue arineketan, irabazteko eran. Atletek diziplina gogorra ezartzen deutsoe
euren buruari, eta hori, zimeltzen dan koroa irabazteko; guk, ostera, zimeltzen
ez dana irabazteko. Nik be halan dihardut; ez arineketan itsu-itsuan egiten
dauana edota ukabilkadak hutsean jotzen dituan burrukalaria lez; hori barik,
neure gorputza hezi eta menpean jartzen dot, besteei irakatsi ondoren neu
baztertuta geratu ez nadin.
Jaunak esana.
Erantzun salmoa
Sal 84 [83], 3. 4. 5-6. 12 (R/. 2)
R/. Bai maitagarria zure egoitza, Jaun ahalguztiduna!
V/. Nekatzen daukat barrua,
Jaunaren
tenpluko atarien gogo biziz.
Nire
bihotzak eta gorputzak
poz-oihu
dagioe Jainko biziari. R/.
V/. Txoriak aurkitu dau etxea,
baita
elaiak be kumeentzat habia:
zure
altarak, Jaun ahalguztiduna,
ene
Erregea eta ene Jainkoa! R/.
V/. Zorionekoak zure etxean bizi diranak
eten
barik Zu goresten!
Zorionekoak
euren indarra Zugan dabenak,
erromesaldiak
gogoan erabiltzean! R/.
V/. Jainko Jauna dogu eguzki eta babeski,
Jaunak
dau mesedea eta ohorea emoten.
Harek
ez deutse zoriona ukatzen
zintzo
jokatzen dabenei. R/.
I. eta II. urteetan
Aleluia
Ik. Jn 17, 17b. a
R/. Aleluia.
V/. Zure hitza da egia, Jauna;
sagaratu
gagizuz egiaren bidez. R/.
Ebanjelioa
Izan ete leiteke itsua itsuaren gidari?
✠ Jesu Kristoren Ebanjelioa San Lukasen liburutik
Lk 6, 39-42
Aldi haretan, Jesusek parabola hau esan
eutsen ikasleei: «Izan ete leiteke itsua itsuaren gidari? Ez ete dira biak
zulora jausiko? Ikaslea ez da irakaslea baino gehiago, baina ondo eskolaturiko
ikaslea bere irakaslearen bestekoa izango da.
Zelan ikusten dozu senidearen begiko samarra
eta zeure begiko habeaz konturatzen ez? Zelan esan zeinkio senideari:
“Adiskide, itzidazu begian dozun samarra ataratzen”, zuk zeurean dozun habea
ikusten ez dozula?
Itxurazalea halakoa! Atara lehenengo zeure
begitik habea, eta orduan ikusiko dozu garbi, senidearen begitik samarra
ataratzeko.
Jaunak esana.
IRUZKINA
Norbere akatsak zuzentzea gatx egiten jakula-eta, inorenak salatzea eta zuzendu daizala eskatzea gauza arrunta izaten da, egunero ikusi geikeana. Eta ez dogu onartzen. Baina, aztertu daigun.
Alkarbizitza baten dihardugunok ezin geintekez bakotxa bere aldetik eta alkarri jaramonik ere egin barik ibili. Alkar ondo hartzen eta alkar zuzentzen ikasi beharra daukagu.
Baina, nik egiten ez dodana, eskatu neikeo senideari? Eskatu leio ez erretzeko erreten dauan osagileak gaixoari? Zuzenketarako ohar bat entzutean heuk egik lehenengo erantzun leio inori?
Gogotan hartu behar dogu gorago esandakoa: alkarregaz bizi izan gura izateak alkar onartzea eskatzen dauala, eta alkar zuzentzea. Eta ez da hain erreza.
Alde batetik, bestearen ona bilatzea gura izan behar da, eta, bestetik, apaltasun handia behar da norberak ezin dauana inori eskatzeko; horrek norbera ere ahalegin handiagoa egitera eroan leike, edo behar dauan laguntza eskatzera.
Eta beti, norberari gatx egiten
bajako, besteari ere horrenbeste; eta alkar onartzeko edo ondo eroateko
lagungarri izan daiteke.
Urtean Zeharreko XXIII. zapatua
I. urtean
I. Irakurgaia
Pekatariak
salbatzera etorri zan Kristo Jesus mundura.
San Paulo
Apostoluak Timoteori egindako lehenengo epistolatik
San Paulo Apostoluak Timoteori egindako lehenengo epistolatik
1 Tm 1, 15-17
Anaia maitea: Sinisgarria eta guztiok
onartzekoa da doktrina hau: pekatariak salbatzera etorri zala Kristo Jesus
mundura. Eta inor ez ni baino pekatariagorik; horrexegaitik, hain zuzen, lortu
neban errukia, Jesu Kristok bere pazientzia lehenengo nigan erakutsi egian eta
betiko bizia izateko harengan sinistuko ebenentzat eredu izan nendin.
Gizaldien Erregeari, beraz, Jainko hilezkor,
ikusezin eta bakarrari, ospea eta aintza gizaldi eta gizaldietan. Amen.
Jaunak esana.
Erantzun salmoa
Sal 113 [112], 1-2. 3-4. 5a eta 6-7 (R/. 2)
R/. Bedeinkatua izan bedi Jaunaren izena, orain eta beti.
Edo: Aleluia.
V/. Goratu egizue, Jaunaren zerbitzariok,
goratu
Jaunaren izena.
Bedeinkatua
izan bedi Jaunaren izena,
orain
eta beti. R/.
V/. Eguzkiaren sorlekutik sarlekura,
goratua
izan bedi Jaunaren izena.
Jauna
herri guztien gainean garai dago,
haren
ospea zerua baino gorago. R/.
V/. Nor da Jauna gure Jainkoa lakorik?
Beheratu
egiten da,
zerura
eta lurrera begiratzeko.
Gizajoa
hautsetatik jasotzen dau,
behartsua
zaborretatik ataratzen. R/.
II. urtean
I. Irakurgaia
Guztiok gorputz
bat gara,
ogi bakarretik
hartzen dogu-eta danok.
San Paulo Apostoluak Korintoarrei egindako lehenengo epistolatik
1 Ko 10, 14-22
Ene maiteok, egizue ihes idolatriatik.
Zentzundunei lez berba egiten deutsuet; juzgatu zeuek nik dinodana. Jainkoa
bedeinkatuz hartzen dogun esker onezko kalizak ez ete gaitu Kristogaz bat
egiten haren odolean? Eta zatitzen dogun ogiak ez ete gaitu Kristogaz bat
egiten haren gorputzean? Ogia bat danez, gorputz bat gara danok, ogi bakarretik
hartzen dogu-eta danok. Begiratu Israel herrian jazotzen danari: opariak jaten
dabezanek ez ete dabe bat egiten altareagaz?
Honegaz ez deutsuet esan nahi sasijainkoei
egindako opariak baliorik dabenik, edo sasijainkoa zeozer danik. Jakina ezetz!
Deabruei eskeintzen jakez opari horreek, ez Jainkoari. Eta nik ez dot nahi zuek
deabruakaz bat egiterik. Ezin dozue edan Jaunaren kalizatik eta deabruenetik;
ezin dozue parte izan Jaunaren mahaian eta deabruenean. Ala sutu egin nahi ete
dogu Jaunaren hasarrea? Bera baino indartsuago ete gara?
Jaunak esana.
Erantzun salmoa
Sal 116 [115], 12-13. 17-18 (R/. 17a)
R/. Gorespen-oparia deutsut, Jauna, eskeiniko.
V/. Zelan ordainduko deutsat Jaunari
egin
deustan on guztia?
Salbazino-edontzia
dot jasoko
eta
Jaunaren izenari dei egingo. R/.
V/. Gorespen-oparia deutsut eskeiniko
eta
Jaunaren izenari dei egingo.
Beteko
deutsadaz Jaunari promesak,
herri
guztiaren aurrean. R/.
I. eta II. urteetan
Aleluia
Jn 14, 23
R/. Aleluia.
V/. Ni maite nauanak gordeko dau nire hitza, dino
Jaunak;
nire
Aitak maite izango dau,
eta
Aita eta biok harengana etorriko gara. R/.
Ebanjelioa
Zergaitik
esaten deustazue «Jauna, Jauna!»
eta ez dozue
egiten esaten deutsuedana?
✠ Jesu Kristoren Ebanjelioa San Luasen liburutik
Lk 6, 43-49
Aldi haretan, Jesusek esan eutsen ikasleei:
«Ez da zuhaitz onik frutu txarra emoten dauanik, ezta zuhaitz txarrik be frutu
ona emoten dauanik. Bere frutuetatik igartzen jako zuhaitzari; elorritik ez da
ikorik batzen, ezta sasitik mahatsik hartzen be. Ona danak ona ataratzen dau
bere barruko ondasun-altxorretik, eta gaiztoak gatxa bere txarkeria
altxorretik; ze, ahoak esan, bihotzari gainezka dariona esaten dau».
Zergaitik esaten deustazue “Jauna, Jauna!”
eta ez dozue egiten esaten deutsuedana? Erakutsiko deutsuet noren antzekoa dan
Nigana etorri eta nire berbak entzun eta betetzen dituana: etxea jasotzean,
zulotu, sakondu eta zimenduak hatxean hartu zituan gizonaren antzekoa da.
Uriolak gertatzean, jo eban ur-boladak etxea, baina ezin izan eutson dardara eragin,
ze, sendo eregita egoan.
Entzun bai, baina betetzen ez dituana,
barriz, etxea lur gainean, zimendurik barik, eregi eban gizonaren antzekoa da.
Jo eban ur-boladak eta behingoan jausi zan eta guztiz hondatuta gelditu».
Jaunak esana.
IRUZKINA
Jesusen irakaskintzetan buru-belarri sartuta gagoz. Oraingoan frutu arbolea jarten deusku adibide. Honek ez dau ahaleginik egin behar dagokion frutua emoteko. Berezko gauza dau. Ulertuko bagendu…
Gu ez ginateke ahalegindu behar gauza onak egiten; hoRrela lortutako frutuak ez geukez gu garan arbola horrek bereak izango, ezarritakoak baino. Gabonetako zuhaitzari bolatxoak, argitxoak eta erregalu-kutxatxoak jartea lez litzateke.
Edo baita Jesusen berbak entzun eta jaramonik ez egitea; entzuteaz nahikoa egin dogula-eta…, edo otoitz egiteaz, edo mezatara, erretiro batera edo gogo-jardunetara joateaz.
Jesusek ez dinosku horreik ez dirala ezertarako, bere frutua emon behar dabela baino. Eta frutu horrek berezkoa izan behar dau, ez geure ahaleginez lortua.
Horretarako, Jesusen antzera, Jainkoaren esanetara jartea baino beste biderik ez dago. Hau da: Jainkoagaz hartu-emon estuak behar doguz.
Baina… ba ete daukagu astirik edo gogorik horretarako? Nahikoa jokoz kanpo ez ete gabilz, gero…
