Urtean Zeharreko XXI. astelehena
I. urtean
I. Irakurgaia
Sasijainkoak
itzirik, Jainkoagana bihurtu zinien,
Jainkoak
hildakoen artetik biztu eban bere Semearen zain egoteko.
San Paulo Apostoluak Tesalonikarrei egindako lehenengo epistolaren hasiera
1 Ts 1, 1-5. 8b-10
Paulok, Silvanok eta Timoteok, Jainko
Aitagaz eta Jesu Kristo Jaunagaz bat eginik dagoan Tesalonikako Eleiz
alkarteari: grazia eta bakea zuei.
Eskerrak emoten deutsaguz beti Jainkoari
zuek guztiokaitik, gure otoitzetan gogoan zaituegula. Jainko gure Aitaren
aurrean gogora dakargu eten barik zuen sinismen ekintzailea, zuen maitasun
ahalegindua eta Jesu Kristo gure Jaunagan dozuen itxaropen iraunkorra.
Badakigu, senideok, Jainkoaren maiteok,
berak aukeratu zaituela. Izan be, guk zuei iragarritako Barri Ona ez jatzuen
hitz hutsez emon, baita Espiritu Santuaren indar beteaz be. Ondo dakizue zuen
artean egin genduan guztia zuen onerako izan zala.
Bazter guztietara heldu da Jainkoagan dozuen
sinismenaren entzutea, guk ezer esan beharrik barik. Izan be, hareek kontatzen
dabe zelako harrera egin zeunskuen zuengana joan ginanean eta zelan,
sasijainkoak itzirik, Jainko bizi eta egiazkoagana bihurtu zinien, bera
zerbitzeko eta zerutik etorriko dan haren Seme Jesusen zain egoteko. Jainkoak
hildakoen artetik biztu eban Jesus, eta honek askatu gaitu etortzekoa dan
hasarre-zigorretik.
Jaunak esana.
Erantzun salmoa
Sal 149, 1-2. 3-4. 5-6a eta 9a (R/. 4a)
R/. Maite dau Jaunak bere herria.
Edo: Aleluia.
V/. Kanta Jaunari kantu barria,
kanta
haren gorespena fededunen batzarrean.
Poztu
bedi Israel bere Egileaz,
alaitu
siondarrak euren Erregeaz. R/.
V/. Goratu begie haren izena dantza eginez,
jo
begie harentzat danbolina eta zitara.
Maite
dau-eta Jaunak bere herria,
garaipenez
jantziko ditu umilak. R/.
V/. Alaitu beitez fededunak Jainko ospetsuaz,
egin
begie pozez oihu euren etzunlekuetan.
Bego
Jainkoaren gorapena hareen eztarrian,
ohorea
da haren fededun guztientzat. R/.
II. urtean
I. Irakurgaia
Jesus gure
Jaunaren izena goratua izango da zuengan,
eta zuek
harengan.
San Paulo Apostoluak Tesalonikarrei egindako bigarren epistolaren hasiera
2 Ts 1, 1-5. 11b-12
Paulok, Silvanok eta Timoteok, Jainko gure
Aitagaz eta Jesu Kristo Jaunagaz bat eginik dagoan Tesalonikako Eleiz
alkarteari: grazia eta bakea zuei Jainko Aitagandik.
Senideok, eskerrak emon behar deutsaguz beti
Jainkoari zuekaitik, zuzen dan lez, zuen fedeak gero eta handiago eta zuen
guztion arteko maitasunak gero eta gartsuago egiten dihardualako. Horregaitik,
harro sentitzen gara Jainkoaren Eleiz alkarteen aurrean, jasaten dozuezan
pertsekuzinoen eta atsekabeen artean agertzen dozuen eroapen eta fedeagaitik.
Jainkoak zuzen epaitzen dauala erakusten dau horrek guztiak, Jainkoaren
erreinurako gai autortzen zaitue-eta, erreinuagaitik jasaten dozuezala
sufrimentuok.
Gure Jainkoak bere deiaren gai egin
zagiezala, eta bere ahalmenaz bere betera eroan dagiala onerako dozuen gogoa
eta zuen sinismenaren jarduera. Holan, Jesus gure Jaunaren izena goratua izango
da zuengan, eta zuek harengan, gure Jainkoaren eta Jesu Kristo gure Jaunaren
onginahiaren arabera.
Jaunak esana.
Erantzun salmoa
Sal 96 [95], 1-2a. 2b-3. 4-5 (R/. ik. 3)
R/. Zabaldu Jaunaren mirariak herri guztietan.
V/. Kanta Jaunari kantu barria,
kanta
Jaunari, lur osoa,
kanta
Jaunari, bedeinkatu haren izena! R/.
V/. Iragarri egunez egun salbatzaile dala,
zabaldu
haren ospea nazinoetan,
haren
mirariak herri guztietan. R/.
V/. Handia da-eta Jauna, guztiz goragarria,
jainko
guztien aldean bildurgarria.
Ez
dira ezer atzerritarren jainko guztiak;
Jaunak,
ostera, zeruak egin ditu. R/.
I. eta II. urteetan
Aleluia
Jn 10, 27
R/. Aleluia.
V/. Nire ardiek entzuten dabe nire ahotsa, dino
Jaunak;
Nik
ezagutzen ditut,
eta
hareek jarraitu egiten deuste. R/.
Ebanjelioa
Ai zuek, gidari itsuok!
✠ Jesu Kristoren Ebanjelioa San Mateoren liburutik
Mt 23, 13-22
Aldi haretan, honan berba egin eban Jesusek:
«Ai zuok, lege-maisu eta fariseu itxurazaleok, jenteari zeruetako erreinuko
sarrera ixten deutsazuenok. Zeuok ez zarie sartzen eta sartu gura dabenei ez
deutsezue izten.
Ai zuok, lege-maisu eta fariseu itxurazaleok!
Baten bat judegu barri egiteagaitik itsaso eta lehor zabiltze eta, egin
dozuenean, zeuek baino bi bider gaituago bihurtzen dozue infernurako.
Ai zuok, gidari itsuok! Honan irakasten
dozue: “Tenpluagaitik zin egiteak ez dau baliorik; tenpluko urreagaitik zin
egiteak, ostera, behartu egiten dau”. Zoro itsuok halakook! Zer da handiago,
urrea ala urrea sagradu egiten dauan tenplua? Beste hau be irakasten dozue:
“Altareagaitik zin egiteak ez dau baliorik; altara gaineko opariagaitik zin
egiteak, ostera, behartu egiten dau”. Itsuok halakook! Zer da handiago, oparia
ala oparia sagradu egiten dauan altara? Altareagaitik zin egiten dauanak,
altareagatik eta gainean dagoan guztiagaitik egiten dau zin; tenpluagaitik zin
egiten dauanak, tenpluagaitik eta bertan bizi dan Jainkoagaitik egiten dau zin;
zeruagaitik zin egiten dauanak, Jainkoaren tronuagaitik eta bertan jesarrita
dagoanagaitik egiten dau zin».
Jaunak esana.
IRUZKINA
Zer da gaur egun eta gure inguruetan fariseoaz uste doguna? Ze irudi daukagu fariseoez? Fariseo berbeak faltsukeria edo itxurazalekeria edo holangoak dakarskuz burura, eta eurenganako gure mesprezua sustatzen dau gugan. Badirudi lortu dabela holango testoek helburutzat eukena.
Gaur egungo ikerlariek, horraitino, hauxe emoten deuskue jakitera: farisearrak ez ziran guzurtiak, edo mesprezagarriak edo eguingarriak. Baina bai gorrotagarritzat pertsegiten ebezala lehenengo kristauak eurei leporatzen eutseelako Tenpluaren hondamena. Eta lehenengo kristinauek ere txanpon bardinaz ordaintzen eutseen (horren adibide gaur irakurri dogun testoa).
Holango testuetan agertzen dana egoera horretatik sortutako giroa da. Baina ezin onartu geikez Jesusen ahotan jarritako berba gogorrok.
Orduko aldietan egunerokoak ziran eskolen arteko deztabaidak, eta gogorrak. Baina ez ei ebezan alkar ezabatzen horregaitik. Iraun egiten eben eztabaidek eta euretan jarduten eben.
Jesusen jarreratik eta irakatsietatik hurreratu behar izango geuke, ba, holango testuetara: inor iguintzeko barik, norbere zintzotasuna eta osokotasuna indartzeko. Ez eban-eta Jesusek inor mesprezatzea bilatzen, guztien osokotasuna baino.
Urtean Zeharreko XXI. martitzena
I. urtean
I. Irakurgaia
Prest ginan,
Jainkoaren Barri Ona ez ezik,
baita geure
bizia be zuei emoteko.
San Paulo Apostoluak Tesalonikarrei egindako lehenengo epistolatik
1 Ts 2, 1-8
Senideok: Ondo dakizue gure egonaldia zuen
artean ez zala alperrekoa izan. Dakizuenez, sufrimentuak eta irainak jasan
barriak genduzan Filipon; halan be, Jainkoak emondako ausardiaz adierazo
geuntsuen beraren Barri Ona, zailtasun handien artean.
Gure predikua, izan be, ez zan uste
okerretan oinarritua, ezta asmo maltzurrez edo engainuz egina be. Bestela
baino, Jainkoak Barri Ona gure esku jartzeko gai ikusi gaituanez, horren
arabera berba egiten dogu, ez gizakiei atsegin emoteko, gure bihotzak aztertzen
dituan Jainkoari baino.
Jainkoa dogu lekuko, eta zuek be badakizue,
ez ginala behin be zurikeriakaz baliatu, ezta diruzalekeriaz jardun be; ez
genduan giza onespena bilatu, ez zuengandik, ez besterengandik; Kristoren
apostolu garanez, geure aginpideaz baliatu geintekezan, baina maitasun samurrez
jokatu genduan zuekin, bere umeak maitekiro zaintzen dituan amak lez.
Hain bihotzeko zindueguzanez, prest ginan,
Jainkoaren Barri Ona ez ezik, baita geure bizia be zuei emoteko. Hainbesteraino
maite zindueguzan!
Jaunak esana.
Erantzun salmoa
Sal 139 [138], 1-3. 4-6 (R/. 1)
R/. Jauna, Zeuk aztertzen nozu eta ezagutzen.
V/. Jauna, Zeuk aztertzen nozu eta ezagutzen,
badakizu
noiz jesartzen nazan eta noiz jagitzen.
Urrundik
sumatzen dozuz nire asmoak;
ohartzen
zara noiz nabilen eta noiz natzan,
zehatz
ezagutzen dozuz nire ibilbide guztiak. R/.
V/. Nire hitza mihinera baino lehenago,
Zuk,
Jauna, ezagutzen dozu zeharo.
Atze
eta aurre, inguratzen nozu,
gainean
jarria deustazu eskua.
Miragarria
da zure ezagutza, nitaz gaindikoa,
garaiegia
nik igartzeko! R/.
II. urtean
I. Irakurgaia
Eutsi sendo hartu dozuezan irakatsiei.
San Paulo Apostoluak Tesalonikarrei egindako bigarren epistolatik
2 Ts 2, 1-3a. 14-17
Senideok: Jesu Kristo gure Jaunaren azkeneko
etorreraz eta gu haregaz alkartuko garan uneaz, hau eskatzen deutsuegu: ez
dagizuela arinegi burua galdu, ezta kezkatu be, Jaunaren eguna gainean dala
dinoan goi-agerpen bat edo adierazpen bat nahiz guk egina ei dan epistola bat
dala-eta. Ez zagiezala inork ezelan be engainatu!
Honetarako dei egin deutsue Jainkoak guk iragarritako
Barri Onaren bidez, Jesu Kristo gure Jaunaren aintza eskuratzeko. Iraun, beraz,
sendo, senideok, eta eutsi tinko gure hitzez eta gutunez hartu dozuezan
irakatsiei. Jesu Kristo gure Jaunak berak eta Jainko gure Aitak –maite izan
gaituan eta betiereko kontsolamentua eta halako itxaropen zoriontsua doarik
emon deuskun Aitak– bete zagiezala adorez eta sendotu, on dan guztia egitez eta
hitzez burutzeko.
Jaunak esana.
Erantzun salmoa
Sal 96 [95], 10. 11-12. 13 (R/. 13b)
R/. Badator Jauna lurra epaitzera.
V/. Esaizue nazinoetan: «Errege da Jauna.
Sendo
ezarria dago mundua, ez da kili-kolo egongo;
herriak
zuzenbidez ditu epaitzen». R/.
V/. Poztu bedi zerua, alaitu lurra,
egin
begi orroe itsasoak eta bertako guztiak,
egin
jai landa zabalak eta bertan dan guztiak,
egin
poz-oihu, basoko zuhaitz guztiok. R/.
V/. Jaunaren aurrean, badator eta,
badator
lurra epaitzera.
Justiziaz
epaituko dau mundua
eta
leialtasunez herriak. R/.
I. eta II. urteetan
Aleluia
Heb 4, 12
R/. Aleluia.
V/. Bizia da Jainkoaren hitza, bizia eta
eraginkorra,
eta
barruko pentsamentuak eta asmoak aztertzen ditu. R/.
Ebanjelioa
Honeek bete behar zenduezan, hareek baztertu barik.
✠ Jesu Kristoren Ebanjelioa San Mateoren liburutik
Mt 23, 23-26
Aldi haretan, honan berba egin eban Jesusek:
«Ai zuok, lege-maisu eta fariseu itxurazaleok! Ortuaririk ezerezenen hamarrenak
ordaintzen dozuez; legeko gauzarik garrantzizkoenak, barriz, zuzenbidea,
errukia eta zintzotasuna, bazterrera izten. Honeek bete behar zeunkiezan,
hareek baztertu barik. Gidari itsuok! Eltxoa iragazten duzue, eta gamelua
irunsten!
Ai zuok, lege-maisu eta fariseu
itxurazaleok! Edalontzia eta platera kanpotik garbitzen dozuez, barrutik
lapurretaz eta grina txarrez beterik dagozan bitartean. Fariseu itsu hori!
Garbitu egizu lehenengo edalontzia barrutik, kanpotik be garbi gelditu dadin».
Jaunak esana.
Urtean Zeharreko XXI. eguaztena
I. urtean
I. Irakurgaia
Gau eta egun
egin genduan lan
Barri Ona iragarri geuntsuenean.
San Paulo Apostoluak Tesalonikarrei egindako lehenengo epistolatik
1 Ts 2, 9-13
Senideok: Izan gogoan gure nekeak eta
ahaleginak; gau eta egun egin genduan lan zuetako inorentzat zama ez
izateagaitik, Jainkoaren Barri Ona iragarri geuntsuenean. Zeuek zarie testigu,
eta Jainkoa be bai, zein garbi, zuzen eta akats barik jokatu genduan zuekin,
sinistedunokin. Eta ondo dakizue, aita bere seme-alabentzat lez izan garala
zuetako bakotxarentzat, zuei aholku eta adore emonez eta Jainkoak nahi dauan
eran bizitzeko eskatuz, harek bere erreinura eta ospera dei egiten deutsuen
ezkero.
Horregaitik, eskerrak emoten deutsaguz eten
barik Jainkoari; izan be, haren hitza iragarri geuntsuenean, onartu egin
zenduen-eta; ez zenduen giza berba huts lez onartu, Jainkoaren berba lez baino;
halan da, izan be, eta lanean dabil zuengan, sinisten dozuenongan.
Jaunak esana.
Erantzun salmoa
Sal 139 [138], 7-8. 9-10. 11-12b (R/. 1a)
R/. Jauna, Zeuk aztertzen nozu eta ezagutzen.
V/. Nora joan naiteke zure arnasatik urrun?
Nora
ihes egin zure aurretik?
Zerura
igota be, Zu han,
Herio-lezara
jatsita be, Zu bertan. R/.
V/. Nahiz argiaren sorlekurantz hegatu,
nahiz
sartaldeko itsas mugetan kokatu,
han
be zure ezkerra gainean izango dot,
zure
eskumak helduko deust. R/.
V/. Nahiz eta nik esan: «Ilunpeak estalduko ahal
nau,
bihurtuko
ahal jat inguruan egun argia gau»,
ilunpea
bera ez da ilun Zuretzat,
gaua
bera eguna baizen argi. R/.
II. urtean
I. Irakurgaia
Lanik egin nahi ez dauanak ez dagiala jan.
San Paulo Apostoluak Tesalonikarrei egindako bigarren epistolatik
2 Ts 3, 6-10. 16-18
Senideok: Jesu Kristo gure Jaunaren izenean
hau agintzen deutsuegu: alde egin dagizuela alperkerian bizi diran eta gure
irakatsiei jarraitzen ez deutsien senideengandik. Ondo dakizue zelan jokatu
behar dozuen, guk lez egiteko: ez ginan zuen artean alperkerian bizi izan, ez
genduan inoren kontura ogia jan; bestetara, gau eta egun lanean nekatu ginan,
zuetako inorentzat zama ez izatearren. Bagenduan zuen kontura bizitzeko
eskubidea, baina lan egin nahi izan genduan zuei jarraibide emoteko. Zuekin
egon ginanean, arau hau emon geuntsuen: lanik egin nahi ez dauanak ez dagiala
jan.
Bake-emoile dan Jainkoak emon deizuela bakea
beti eta era guztietan. Jauna zuekin guztiokin.
Eta orain neure eskuz agurra: Paulok. Honan
sinatzen ditut neure epistola guztiak; hau da nire idazkera. Jesu Kristo gure
Jaunaren grazia zuekin guztiokin.
Jaunak esana.
Erantzun salmoa
Sal 128 [127], 1-2. 4-5 (R/. 1a)
R/. Zorionekoa Jaunari begirune deutsona.
V/. Zorionekoa Jaunari begirune deutsona
eta
haren bideetan dabilena!
Zeure
lanaren frututik dozu jango,
zoriontsu
izango zara eta ondo jatzu joango. R/.
V/. Hara zelan izango dan bedeinkatua
Jaunari
begirune deutsona!
Bedeinkatu
zagizala Jaunak Siondik,
gozatu
zaitezala Jerusalemen zorionaz
zeure
bizitzako egun guztietan. R/.
I. eta II. urteetan
Aleluia
1 Jn 2, 5
R/. Aleluia.
V/. Kristoren hitza betetzen dauanagan
Jainkoaren
maitasuna bere betera heldu da benetan. R/.
Ebanjelioa
Profetak hil ebezanen ondorengoak zarie.
✠ Jesu Kristoren Ebanjelioa San Mateoren liburutik
Mt 23, 27-32
Aldi haretan, honan berba egin eban Jesusek:
«Ai zuok, lege-maisu eta fariseu itxurazaleok! Hilobi zurituen antzeko zarie:
kanpotik itxura ederrekoak, baina barrutik hil-hazurrez eta ustelkeriaz beteak!
Zeuok be holakoak zarie: kanpotik zintzoak jentearen aurrean, baina barrutik
itxurakeriaz eta txarkeriaz beteak.
Ai zuok, lege-maisu eta fariseu
itxurazaleok! Profeten hilobiak eregitzen eta gizon zintzoen hilarriak
apaintzen dozuez, esanez: “Gure asaben egunetan bizi izan bagina, ez gendukeen
parterik hartuko hareekin profeten hilketan”. Holan, zeuek autortzen dozue
profetak hil ebezanen ondorengoak zariela. Bete, bada, zeuok be zeuen gurasoen
egintza txarren neurria!»
Jaunak esana.
IRUZKINA
Gogoan hartu behar dogu Mateok iragarri gura deuskuna, Jesusen ahotan holango berba gogorrak eta zemaiak jarterakoan.
Orduko kristau taldeei helduazo gura deutse farisearren aurka jaurtitakoak: zeintzuk diran azaleko nortasuna zaintzen diharduanaren arriskuak.
Sarritan ikusten dogu geure artean ere, norbere akatsei begira egon ez daitezan, besteen akatsak azaleratzen eta gaitzesten ekiten deutsagula. Baina besteak akasdunagoak dirala erakustean ez dogu, horregaitik, geure burua akasbako bihurtzen.
Mateoren iradokizunei jarraiki, ba, egin beharrekoa ez da farisearrak edo —gure ustez— akasdunagoak diranak gaitztsi. Egin beharrekoa beste hauxe dogu: geure burua aztertu, eta azaleratzen dogun aurpegia edo itxurea ea egiazkoa eta benetako dogun ikusi: gu benetan garana azaleratzen daben…
Gutaz euki behar daben irudia erakustearren, geure ilunpeak ezkutatzeaz ez gara zintzoagoak; gure azaleko nortasuna ederrezten dogu.
Urtean Zeharreko XXI. eguena
I. urtean
I. Irakurgaia
Jaunak gero eta
handiago egin dagiala
zuek alkarrentzat eta danentzat dozuen
maitasuna.
San Paulo Apostoluak Tesalonikarrei egindako lehenengo epistolatik
1 Ts 3, 7-13
Senideok: Gure atsekabe eta estualdi guztien
artean, adorez beterik itzi gaituzue, zeuen sinismenagaitik. Orain bai bizi
garala benetan, zuek Jaunagaz bat eginik irauten dozuela ikusirik. Zelan emon
guk Jainkoari behar beste esker? Hainbestekoa da-eta zuekaitik geure Jainkoaren
aurrean dogun poza!
Gau eta egun ahalegin guztian Jainkoari
erreguka gabiltz, zuek aurrez aurre ikusi eta zuen fedeak oraindino dituan
hutsuneak bete ahal izatea eskatuz.
Jainko gure Aitak berak eta Jesus gure
Jaunak bideratu dagiezala gure pausoak zuekana. Egin dagiala Jaunak gero eta
handiago zuek alkarrentzat eta danentzat dozuen maitasuna, handia dan lez guk
zuentzat dogun maitasuna. Holan, sendotu dagiala zuen bihotza, Jesus gure Jauna
bere santuekin etortzean, santu eta esankizunik barik aurkeztu zaitezen gure
Aita Jainkoaren aurrean.
Jaunak esana.
Erantzun salmoa
Sal 90 [89], 3-4. 12-13. 14 eta 17(R/. ik. 14)
R/. Zeure maitasunaz ase gagizuz, Jauna,
poztu gaitezan Zugan.
V/. Gizakia hautsera bihurtuazoten dozu,
esanez:
«Bihurtu lehenera, gizakiok».
Bai,
mila urte zure begietan
atzo
igaro zan eguna adina,
gaualdi
bat adina. R/.
V/. Irakatsi egiguzu geure egunen kontua eroaten,
zuhurtasunaren
muinaz jaubetu gaitezan.
Bihurtu
zakiguz, Jauna! Noiz arte?
Erruki
zaitez zeure zerbitzariez. R/.
V/. Asetu gagizuz goizero zeure maitasunaz,
poztu
gaitezan eta zoriontsu izan geure egun guztietan.
Betor
gugana Jaunaren, gure Jainkoaren, gozotasuna
eta
sendotu begi harek gure eskuen lana;
sendotu
dagiala, bai, gure lana. R/.
II. urtean
I. Irakurgaia
Kristogan aberastu zaitue gauza guztietan.
San Paulo Apostoluak Korintoarrei egindako lehenengo epistolaren hasiera
1 Ko 1, 1-9
Nik, Paulok, Jainkoak halan nahirik eta
berak deiturik, Jesu Kristoren apostolu nazan honek, eta Sostenes anaiak,
Korinton dagoan Jainkoaren Eleiz alkarteari idazten deutsagu.
Jesu Kristok sagaratu zaitue eta Jainkoak
bere herri santu izateko deitu, edozein lekutan Jesu Kristo gure Jaunari dei
egiten deutsoen guztiekin batera, honeek eta guk Jaun bat bera onartzen
dogu-eta. Grazia zuei eta bakea gure Aita Jainkoagandik eta Jesu Kristo
Jaunagandik.
Jainkoari eskerrak emoten nabilkio beti
zuekaitik, zuei Jesu Kristogan Jainkoak emon deutsuen graziagaitik. Izan be,
Kristogan aberastu zaitue dohai guztietan: bai hitzean eta bai jakintzan,
Kristoz egiten dogun autormena zuengan sendotu dan ezkero. Holan, ez dozue
dohairik bat be falta Jesu Kristo gure Jaunaren agerraldiaren zain zagozenok.
Harek indartuko zaitue azkenera arte, inork zuen aurka zeresanik izan ez dagian
Jesu Kristo gure Jaunaren etorrera-egunean. Zintzoa da bere Seme Jesu Kristo
gure Jaunagaz alkarturik bizitzera dei egin deutsuen Jainkoa.
Jaunak esana.
Erantzun salmoa
Sal 145 [144], 2-3. 4-5. 6-7 (R/. 1)
R/. Ene Jainko, ene errege,
bedeinkatuko dot zure izena betiere.
V/. Egunero zaitut bedeinkatuko,
beti
dot zure izena goratuko.
Handia
da Jauna, guztiz goragarria,
mugarik
bakoa haren handitasuna. R/.
V/. Belaunaldi batek besteari zure egintzak
deutsoz goratzen,
zure
egite ahaltsuak iragartzen.
Zure
aintza eta ospe distiratsua dabe aldarrikatzen,
eta
nik zure egintza harrigarriak adierazoten. R/.
V/. Zure balentria izugarriak dabez aitatzen,
eta
nik zure egintza handiak kontatzen.
Zure
ontasun handiaren barri dabe emoten
eta
zure salbazinoa poz-oihuz goratzen. R/.
I. eta II. urteetan
Aleluia
Mt 24, 42a. 44
R/. Aleluia.
V/. Zagoze zuhur,
gitxien
uste dozuen orduan
etorriko
jatzue-eta Gizonaren Semea. R/.
Ebanjelioa
Egon prest zuek be.
✠ Jesu Kristoren Ebanjelioa San Mateoren liburutik
Mt 24, 42-51
Aldi haretan, Jesusek esan eutsen ikasleei:
«Zagoze zuhur, ze ez dakizue zein egunetan etorriko dan zuen Jauna. Hartu hau
gogoan: etxeko nagusiak baleki gaueko zein ordutan etorriko dan lapurra, zuhur
egongo litzateke eta ez leuke bere etxea zulatzen itziko. Egon, bada, prest
zuek be, gitxien uste dozuen orduan etorriko jatzue-eta Gizonaren Semea».
Izan zaiteze morroi zintzo eta zentzunduna
lakoak, nagusiak etxeko morroiei bere orduan janaria banatzeko eginkizuna emon
deutson morroia lakoak. Zorionekoa morroi hori, nagusiak, heltzean, agindua
egiten aurkitzen badau! Benetan dinotsuet: bere ondasun guztien buru ipiniko
dau.
Baina ha beste morroi txar ha, nagusia
atzeratu egingo dalakoan, bere morroi-lagunak jotzen eta mozkorrakaz
jan-edanean hasten bada, gitxien uste dauan egunean eta gitxien uste dauan
orduan etorriko jako nagusia, eta gogor zigortuko dau eta itxurazaleek merezi
dabena emongo deutso. Han izango da negarra eta hagin-karraskada!»
Jaunak esana.
IRUZKINA
Jesusen heriotza-biztuera ondorengo kezken erantzuna emoten dau Mateok 24. eta 25. ataletan. Gaurkoan arreta da eskatzen dauana.
Orduko kristinauek (munduaren azkena) parousia behingoan izango zala uste eben, eta ha luzatzen joian…
Gure aldietan, holango esaldiak bildurrra sartzeko erabilten ziran. Hor gelditzen jaku ondino erabilten dan esaldia: Autortuta harrapatu naiala Jainkoak.
Baina ze Jainko da bildurra sartuz bereganatu nahi gaituana? Ez, behintzat, Jesusek iragarten eta haren maitasunean eta harenganako uste onean bizi izan gaitezala irakatsi deuskuna.
Arretarako
deia barruko
nortasuna zaintzen bizi izatea litzateke. Zenbat denpora eta ondasun
eralgiten dogu kanpoko nortasuna zaintzen? Barruko eta benetako nortasuna bilatuko
bagendu bertan aurkituko geuke Jainkoak ez dauala inondik eta gitxien
uste dogunean etorri beharrik, beti dagoalako berton. Baina geure arreta
beste inon...
Urtean Zeharreko XXI. barikua
I. urtean
I. Irakurgaia
Hau nahi dau
Jainkoak zuengandik:
bizi zaitezela
berarentzat, sagaratuei dagokienez.
San Paulo Apostoluak Tesalonikarrei egindako lehenengo epistolatik
1 Ts 4, 1-8
Senideok: Eskari hau egiten deutsuet, arren
eta arren, Jesus Jaunaren izenean: Jainkoari atsegin emoteko zelan bizi
gugandik ikasi zenduenez, ahalegindu zaiteze gero eta gehiago holan bizitzen.
Badakizue zelako irakaspenak emon geuntsuezan Jesus Jaunaren izenean.
Hau nahi dau Jainkoak zuengandik: bizi
zaitezela berarentzat, sagaratuei dagokienez, eta alde egin dagizuela
lizunkeriatik. Jokatu dagiala bakotxak zentzun santuz eta errespetuz bere
emazteagaz, bere burua grinen menpeko egin barik, Jainkoa ezagutzen ez daben
jentilek lez; inork ez dagiala gai honetan bere senidea iraindu edo engainatu,
Jauna bera da-eta hori guztia mendekatzen dauana, lehen be behin eta barriro
benetan esan geuntsuen lez. Jainkoak ez gaitu moralbakokerian bizitzera deitu,
berarentzat sagaratu lez bizitzera baino. Beraz, irakatsi honeek gitxiesten
dituanak ez dau gizakia gitxiesten, bere Espiritu Santua emon deutsuen Jainkoa
baino.
Jaunak esana.
Erantzun salmoa
Sal 97 [96], 1 eta 2b. 5-6. 10. 11-12 (R/. 12a)
R/. Poztu zaiteze Jaunagaz, zintzook.
V/. Errege da Jauna! Alaitu bedi lurra,
poztu
beitez ugarte ugariak!
Justizia
eta zuzenbidea tronuaren oinarri. R/.
V/. Mendiak argizaria lez urtzen dira Jaunaren
aurrean,
lur
osoaren Jaubearen aurrean.
Zeruek
haren salbazino-egintza iragartzen dabe,
herri
guztiek haren ospea ikusten. R/.
V/. Maite ditu Jaunak gatxari gorroto deutsoenak,
zaintzen
dau bere fededunen bizia,
libratuko
ditu gaiztoen eskutik. R/.
V/. Argia sortzen da zintzoarentzat,
poza
bihotz zuzenekoentzat.
Poztu
zaiteze Jaunagaz, zintzook,
goratu
egizue, haren santutasuna gogoratuz. R/.
II. urtean
I. Irakurgaia
Guk Jesu Kristo kurutzeratua predikatzen dogu,
gizakientzat
onartuezina dana,
baina
deituentzat Jainkoaren jakituria da.
San Paulo Apostoluak Korintoarrei egindako lehenengo epistolatik
1 Ko 1, 17-25
Senideok: Kristok ez ninduan bateatzera
bialdu, Barri Ona iragartzera baino eta, hau, ez giza jakituriazko hitzez,
Kristoren kurutzeak bere indarra galdu ez dagian. Kristoren kurutzeko
heriotzaren mezua zorakeria da galtzen diranentzat; guretzat, ostera, salbazino-bidean
garanontzat, Jainkoaren indarra.
Liburu Santuak dino, izan be:
«Hondatu
egingo dot jakintsuen jakituria,
eta
huts bihurtuko adituen adimena».
Zertan dira jakintsuak, ikasiak, mundu
honetako gauzetan adituak? Jainkoak ez ete dau zorakeria bihurtu mundu honetako
jakituria? Begira, Jainkoak bere jakituria agertu ebanean, gizakiak ez ziran
gauza izan euren jakituriaz Jainkoa ezagutzeko; horregaitik, Jainkoak, guk
iragartzen dogun zorakeriaren bidez salbatu nahi izan ditu fededunak.
Judeguak ezaugarri eske dabiltz eta jentilak
jakituria bila; guk, barriz, Jesu Kristo kurutzeratua predikatzen dogu,
judeguentzat onartuezina eta jentilentzat zorakeria dana; baina deituentzat,
judegu izan ala ez, Kristo hori Jainkoaren indarra eta Jainkoaren jakituria da.
Izan be Jainkoaren zorakeria ei dana gizakiak baino jakintsuago dalako, eta
Jainkoaren ahuleria gizakiak baino indartsuago.
Jaunak esana.
Erantzun salmoa
Sal 33 [32], 1-2. 4-5. 10-11 (R/. ik 5b)
R/. Jaunaren graziaz beterik dago lurra.
V/. Egin poz-oihu, zintzook, Jaunari,
zuzenei
dagokie, izan be, ha gorestea.
Ospatu
Jauna zitaraz,
jo
harentzat hamar hariko harpa. R/.
V/. Zuzena da-eta Jaunaren hitza,
fidagarria
harek egin dauan guztia.
Justizia
eta zuzenbidea dau maite,
Jaunaren
maitasunaz dago lurra betea. R/.
V/. Ezereztu egiten ditu Jaunak nazinoen asmoak,
huts
bihurtzen herrien burubideak.
Jaunaren
asmoak, barriz, betiko dirau,
haren
burubideek gizaldiz gizaldi. R/.
I. eta II. urteetan
Aleluia
Lk 21, 36
R/. Aleluia.
V/. Egon zuhur eta egin otoitz une oro,
zutunik
egon ahal zaitezen Gizonaren Semearen aurrean. R/.
Ebanjelioa
Badator senargaia; urten egiozue bidera!
✠ Jesu Kristoren Ebanjelioa San Mateoren liburutik
Mt 25, 1-13
Aldi haretan, Jesusek parabola hau esan
eutsen ikasleei: «Zeruetako erreinuagaz, euren kriseiluak eskuetan hartu eta
senargaiari bidera urten eutsoen hamar neskatilakaz lez gertatzen da. Neskatiletariko
bost zentzunbakoak ziran eta bost zentzundunak. Kriseiluak hartzean,
zentzunbakoek ez eben oriorik hartu; zentzundunek, ostera, kriseiluekin batera
orioa be hartu eben ontzietan. Senargaiak luzatu egiten ebanez, loguratu egin
ziran danak eta loak hartu zituan.
Gauerdian oihu bat entzun zan: “Badator
senargaia; urten eiozue bidera!” Jagi ziran neskatila guztiak, eta euren
kriseiluak prestatu ebezan. Orduan, zentzunbakoek esan eutsien zentzundunei:
“Emoiguzue orio apur bat, kriseiluak amatatzera joakuz-eta”. Zentzundunek
erantzun eutsien: “Ea ez dogun nahikoa geuretzat eta zuentzat; hobe dozue,
badaezpada, dendara joan eta erostea”.
Baina, erostera joanak zirala, senargaia
heldu zan, eta prest ziranak ezteguetara sartu ziran harekin. Eta atea itxi eben.
Heldu ziran, azkenik, beste neskatilak be
eta dei egin eben: “Jauna, Jauna, edegi!” Baina harek erantzun eutsen: “Benetan
dinotsuet, ez dakit nor zarien”.
Egon, beraz, gertu, ze ez dakizue, ez eguna,
ez ordua».
Jaunak esana.
IRUZKINA
Hona arreta eskatzen deuskun Mateoren ebanjelioko beste parabola bat. Danetan lez, ez gaitezan parabola bera aztertzean gelditu, haren argitara, geure bizitza aztertzera heldu baino. Ez eta azkenari begira, egunerokotasunari baino: hantxe nahi gaitu-eta Jesusek bere ikasle lez.
Erabili izan da parabola hau ere bildurra sartzeko, edo eskuak beterik eroan behar dirala irakasteko. Egin daigun ihes usteotatik.
Gure bizitzaldia Jainkoaren Semearen ezkontza ezteguetara deituak eta haren zain dagozan arretatsuen pare ulertu behar dogu.
Jainkoak jai-giroan nahi gaitu arretatsu. Ez dogu geure bizitzaldia alaitu behar, beste inorena alaitu behar dogu; eta horretantxe akitu behar doguz gure indarrak eta ahalmenak… eta horrexek beteko dau gure zorion-ontzia.
Ez da, egun baten ezteguetara sartu ahal izan naiten, egintza onen metatzea egin behar dodala uste izatea. Ez naz-eta ni erdiko; ezkongaia da nire arretaz itxaroteari zentzu emoten deutsona.
Haren etorreraren zain erre behar dot, ba, ni nazana. Ha beti dagola etorten jakinik…, behartsuengan.
Urtean Zeharreko XXI. zapatua
I. urtean
I. Irakurgaia
Jainkoak berak irakasten deutsue alkar maitatzen.
San Paulo Apostoluak Tesalonikarrei egindako lehenengo epistolatik
1 Ts 4, 9-11
Senideok: Alkarri zor deutsazuen maitasunaz, ez dozue nik idatzi beharrik, Jainkoak berak irakatsi deutsue-eta alkar maitatzen, eta halan egiten dozue Mazedonia osoko senide guztiekin. Halan be, senideok, ahalegindu zaiteze, arren, gero eta maitasun handiagoa izaten eta bakean bizitzen, nor bere arazoez arduratuz eta nork bere eskuz lan eginez, agindu deutsuegun lez.
Jaunak esana.
Erantzun salmoa
Sal 98 [97], 1. 7-8. 9 (R/. ik. 9)
R/. Badator Jauna herriak zuzentasunez epaitzera.
V/. Kanta Jaunari kantu barria,
egintza
harrigarriak egin ditu-eta;
garaipena
emon deutso bere eskumak,
bere
beso santuak. R/.
V/. Egin begi orroe itsasoak eta bertako guztiak,
munduak
eta bertan bizi diranek.
Egin
begie txalo ibaiek,
poz-oihu
aho batez mendiek. R/.
V/. Jaunaren aurrean,
badator-eta
lurra epaitzera.
Justiziaz
epaituko dau mundua,
eta
zuzenbidez herriak. R/.
II. urtean
I. Irakurgaia
Munduak baliobakotzat dauana aukeratu dau Jainkoak.
San Paulo Apostoluak Korintoarrei egindako lehenengo epistolatik
1 Ko 1, 26-31
Senideok: Begira zein zarien Jainkoak
deituak; zuen artean ez dira asko munduak jakintsutzat hartzen dituanetakoak,
ezta ahaltsu nahiz handikietakoak be. Bestetara, munduak zorotzat dauana
aukeratu dau Jainkoak, jakintsuak lotsazoteko, eta munduak ahultzat dauana,
indartsuak lotsazoteko; munduak baliobakotzat eta mespretxagarritzat dauana
aukeratu dau Jainkoak, munduaren begietan ezer ez dana, zeozer dirala uste
dabenak ezerezteko; holan, ez dau inork Jainkoaren aurrean harrotzerik.
Berari zor deutsazue izatea Kristo
Jesusengan, hau egin dau-eta Jainkoak guretzat jakituria, honen bidez askatu
gaitu, salbatu eta santu egin. Holan betetzen da Liburu Santuak dinoana:
«Harrotu nahi dauana, harrotu bedi Jaunagan».
Jaunak esana.
Erantzun salmoa
Sal 33 [32], 12-13. 18-19. 20-21 (R/. ik. 12b)
R/. Bai dohatsu
Jaunak bere oinorde aukeratu dauan
herria.
V/. Zorionekoa, Jauna Jainko dauan nazinoa,
harek
bere ondaretzat aukeratu dauan herria.
Jaunak
zerutik begiratzen dau,
ikusten
ditu gizaki guztiak. R/.
V/. Jauna arduratzen da begirune deutsoenez,
haren
maitasunean itxaroten dabenez,
hareek
heriotzatik libratzeko
eta
gosetean bizirik gordetzeko. R/.
V/. Guk Jaunagan dogu esperantza,
bera
dogu laguntzaile eta babesle.
Harengan
pozten da gure bihotza,
haren
izen santuan dogu konfiantza. R/.
I. eta II. urteetan
Aleluia
Jn 13, 34
R/. Aleluia.
V/. Agindu barria emoten deutsuet, dino Jaunak:
maitatu
dagizuela alkar,
Nik
maite izan zaituedan lez. R/.
Ebanjelioa
Gauza txikian
leial izan zaralako,
sartu zeure
nagusiaren jaia ospatzera.
✠ Jesu Kristoren Ebanjelioa San Mateoren liburutik
Mt 25, 14-30
Aldi haretan, Jesusek parabola hau esan
eutsen ikasleei: «Gizon batek, urrutira joaterakoan, bere morroiei dei egin eta
bere ondasunak itzi eutsezan. Bati bost talentu emon eutsozan, beste bati bi,
beste bati bakarra; bakotxari bere trebetasunaren arabera. Eta gero joan egin
zan. Bost talentu hartu zituana hareekin lanean hasi zan behingoan, eta beste
bost irabazi zituan. Bi hartu zituanak be gauza bera egin eban, eta beste bi
irabazi zituan. Bat hartu ebanak, ostera, lurrean zuloa egin eta bertan gorde
eban bere nagusiaren dirua.
Handik luzarora, etorri zan morroi hareen
nagusia, eta kontuak garbitzen hasi jaken. Hurreratu zan bost talentu hartu
zituana, eta beste bost eroan eutsozan, esanez: “Jauna, bost talentu itzi
zeunstazan; begira, beste bost irabazi dodaz”. Nagusiak esan eutson: “Ederto,
morroi zintzo eta jatorra! Gauza txikian zintzoa izan zaralako, askoren
buruzagi egingo zaitut; sartu zeure nagusiaren jaia ospatzera”.
Hurreratu zan talentu bi hartu zituana, eta
esan eutson: “Jauna, talentu bi itzi zeunstazan; begira, beste bi irabazi
dodaz”. Nagusiak esan eutson: “Ederto, morroi zintzo eta jatorra! Gauza txikian
zintzo izan zaralako, askoren buruzagi egingo zaitut; sartu zeure nagusiaren
jaia ospatzera”.
Azkenean, hurreratu zan talentu bat hartu
ebana, eta esan eutson: “Jauna, banekian gizon zorrotza zarana; erein ez dozun
lekuan hartzen, eta zabaldu ez dozun lekuan batzen dozuna. Halandaze, bildurrez
joan nintzan, eta lurpean gorde neban zure talentua. Hemen dozu zeurea!”
Nagusiak erantzun eutson: “Morroi txar eta
alper hori! Bahekian jakin, erein ez dodan lekuan hartzen dodana nik, eta
zabaldu ez dodan lekuan batzen. Horregaitik, nire dirua diru-trukalariei itzi
behar heutsen, nik, etortzean, irabazi eta guzti jaso nengian. Kendu eiozue,
bada, talentu hori, eta emon hamar dituanari. Ze daukanari emon egingo jako, eta
gainezka izango dau; ez daukanari, barriz, daukana be kendu egingo jako. Eta
morroi alper handi hori bota kanpoko ilunpera. Han izango da negarra eta
hagin-karraskada!”»
Jaunak esana.
IRUZKINA
Parabola honen harira, behin eta barriro esan behar dogu arreta egunerokoan jarri behar dogula, eta ez heriotza ostean.
Etxeko jaunak bere ondasunen zaintza jarten dau gure esku. Eta ondasunak ugari eta oparoak dira: dirutza handiak iragarten deuskunez.
Sarri entzun izan dogu, eta gogoan dogu, norbere bizitza zaintzen diharduanak galdu egingo dauala, eta besteekaitik galtzen dauanak bete-betean eskuratuko dauala.
Parabola hau, ba, talentuak jokoan jarterako deia dogu. Eta, dakusagunez, ez dago galtzeko ezelango arriskurik; jokoan jarri ezkero, irabazteko da.
Hain dirutza handia izanik, ez da onartzekoa zekenkerietan ibiltea: apur bat jokoan jarri eta gainerakoa, badaezpada, ondo gordeta euki. Jokoan jarten danak emoten dau irabazia.
Jesus dogu eredu. Harek bera zan osoa, goitik behera, jarri eban jokoan senide behartsuen, alboratu eta galduen alde. Bere ikasle guztiok horixe egin daigula nahi dau.
